حلا الفخـــــــامــه (( بالصور))

بسم الله الرحمن الرحيم

قبل كل شي ترا احتاج زغرووووووووووووووووطه عشاني كتبت في هالقسم موضوع
يعني على بلاطه صرت سنعه وسويت لكم حلا

بس عاد شوفوا انا صدق مودعه المطبخ من زمان <<<<<<اللي يسمعك هادتك الذبايح والمفاطيح

لا عاد انا منيب راعية طبخ صدقي حدي الحلا وبعد خلاص قضيت سلمت المهمه لأختي طقت كبدي انا

المهم عاد انا يوم جيت هنا قلت بجيب لكم حلا عليه القيمه ويواجه بس ابي تشجيع منكم كودي اتشجع واصير كل ابو دايم اسدح لكم حلا ( والله ان تدعي لكم امي)

المهم نخش بالموضوع

طبعا بوريكم صورة حلاي

حلا الفخامه

وش رايكم تبون طريقته!؟؟!؟!

طيب نبدأ

اليكم المقادير

1كيك امريكانا بني يعني بالشقولاطه
1 بسكوت اولكر او على قولتهم بسكوت شاهي<<<<يقالها متطوره وماتقول
5 او 4 حبات جبن كيري
نص علبة نستله
2 قشطه
3 جالكسي ساده
2كيس مالتيزر الأحمر<<<ليه فيه مالتيزر ازرق<<<<لا بس اقصد شوفوا الصوره يامداليخ

نجي للطريقه

قومي بتقطيع الكيك الى شرائح متساويه واللي ماتعرف تجيب مسطره وتقيس<<<<:ama3ad:<<<<مير جت بوقته هالصوره

كما موضح بالصور امامكن <<<<يالبى قلب نون النسوه احبها

ومن ثم قومي برص الشرايح بالصينيه المناسبه<<<مير حسيته درس احياء
وحاولي تسددين الفراغات

بعد ذلك ضعي بالخلاط مايلي:
البسكوت لكن بعد طحنه او دقه بالنجر <<<<مير ياقدمي
الجبن الكيري
نص حليب النستله
1 ونص قشطه وخلي النص موب تتميلحين وتقومين تحطينها كلها تقولين حرام الباقي يقعد ترا بنستخدمه بمرحله اخرى<<<احلى يامرحله اخرى
هذي الصوره

على فكره بيدبل كبدكم البسكوت مانخلط معهن بس عادي دخلي اللحاسه ( ذيك اللي راسها يكون بلاستيك وتلحس لك كل اللي تبين تنزلينه) او ملعقه واخلطيه شوي وارجعي شغلي الخلاط

كذا بيطلع شكله بعد الخلط

ثم نضع الخليط على الكيك

هالحين نجي لنقطه مهمه بعد ماحطيتيه وواسيتيه دخليه الفريزر لأن باقي طبقه ثالثه بس انا جربت مره حطيت الثالثه بدون مادخله بالفريزر واختلطن في بعضوانحاس الحلا لذلك حطي الصينيه بالفريزر دامك تسوين الطبقة الثالثه
/

\

/

\

بعدين ناخذ الجالكسي ونفككه ونحطه بقدر عشان نذوبه والأفضل بحمام مائي بس صراحه انا ماعندي وقت وذوبته على طول عالنار

هذي الصور

وبعد ذوبانه تضاف له ( نص القشطه) الباقيه

وتخلط

الى ان يتجانس

ثم نخرج الصينيه من الفريزر ونصب الشكولاته عليها

بعد ذلك يدخل بالثلاجه ليبرد ..
بالنسبة لي خلصت مسويته الساعه 5 العصر تقريبا وضيوفي المغرب فحطيته بالفريزر عشان يجمد وكل ماجمد اكثر كل ماسهل تقطيعه

بعد اخراجه من الفريزر باقي تقطيعه وانا جبت لكم فكره مبتكره للتقطيع
نحضر علبة بكنج بودر او بيكربونات الصوديم البلاستيك ونقطع القاعده حقتها عشان تصير مجوفه ومفتوحه مع الجهتين عشان نقدر ننزلها وايضا نجيب مقص ونقطعها بالطول بعدين بتعرفون ليش شوفوا الصوره

قصيت القاعده وقصيتها بالطول زي منتوب شايفين عند السهم
بتتضح الفكره بعدين
/
\

همن نقطع بهالطريقه

بنلاحظ ان القطعه ماراح تطيح لذلك قصيناها بالطول عشان نقدر نفتحها وتطيح القطعه
بهالطريقه

يمكن فيه بالمحلات آداة خاصه في هالتقطيع بس انا عني ابتكرت هذي

آخر شي نزينها بحبات المالتيزر

وهذا هو الشكل النهائي

وممكن تقديمه بكل صحن حبه وحده

وهذا المقدار كامل

وبس وبس وبس

عاد انتظر رايكم

تحياتي سمره وجميله
منقول
_________________
[img]

[/img]

thxxxxxxxxx samra

_________________